Мадриднинг "Реал" клуби Дортмунднинг "Боруссия" клуби ярим ҳимоячиси Жуд Беллингем учун трансфер нархи жуда юқори бўлса, курашни тарк этишга тайёр, дея таъкидламоқда AS.
Манбага кўра, мадридликлар 19 ёшли англиялик футболчи учун 120 миллион евродан кўпроқ тўлашлари керак бўлса, унинг учун курашдан воз кечишга тайёр, чунки бу пулга тўпурар ҳужумчи сотиб олиш мумкин. Футболчига Мадриддан ташқари, "Ливерпуль" ва "Манчестер Сити" ҳам даъвогарлик қилмоқда.
Беллингем жорий мавсумда Дортмунднинг “Боруссия” клуби сафида 34 та ўйинда майдонга тушиб, 10 та гол урди ва 6 та голли узатмани амалга оширди. Transfermarkt портали унинг нархини 120 миллион еврога баҳоламоқда.
