Madridning "Real" klubi Dortmundning "Borussiya" klubi yarim himoyachisi Jud Bellingem uchun transfer narxi juda yuqori bo‘lsa, kurashni tark etishga tayyor, deya ta’kidlamoqda AS.

Manbaga ko‘ra, madridliklar 19 yoshli angliyalik futbolchi uchun 120 million yevrodan ko‘proq to‘lashlari kerak bo‘lsa, uning uchun kurashdan voz kechishga tayyor, chunki bu pulga to‘purar hujumchi sotib olish mumkin. Futbolchiga Madriddan tashqari, "Liverpul" va "Manchester Siti" ham da’vogarlik qilmoqda.

Bellingem joriy mavsumda Dortmundning “Borussiya” klubi safida 34 ta o‘yinda maydonga tushib, 10 ta gol urdi va 6 ta golli uzatmani amalga oshirdi. Transfermarkt portali uning narxini 120 million yevroga baholamoqda.