Мадриднинг “Реал” клуби ярим ҳимоячиси Орельен Тчуамени кам ўйин амалиёти олаётганига муносабат билдирди.
"Мен ўзимга ишонаман, нималарга қодир эканлигимни биламан", - дея Тчуамени сўзларини келтирмоқда Goal. - Спортчи фаолиятида қийин пайтлар бўлиши мумкин. Бу мен билан биринчи марта содир бўлди, мен ҳали ҳам ўрганяпман. "Реал Мадрид"да рақобат жуда кўп ва сиз доимо формада бўлишингиз керак".
Тчуамени 2022 йилнинг ёзида “Реал”га ўтган эди. 23 ёшли франциялик футболчининг клуб билан шартномаси 2028 йилнинг июнигача тузилган. Transfermarkt портали футболчининг нархини 90 миллион еврога баҳоламоқда.
2022/23 йилги мавсумда Тчуамени “Реал” сафида 32 та ўйинда майдонга тушди ва 3 та голли узатмани амалга оширди.
