Madridning “Real” klubi yarim himoyachisi Orelyen Tchuameni kam o‘yin amaliyoti olayotganiga munosabat bildirdi.
"Men o‘zimga ishonaman, nimalarga qodir ekanligimni bilaman", - deya Tchuameni so‘zlarini keltirmoqda Goal. - Sportchi faoliyatida qiyin paytlar bo‘lishi mumkin. Bu men bilan birinchi marta sodir bo‘ldi, men hali ham o‘rganyapman. "Real Madrid"da raqobat juda ko‘p va siz doimo formada bo‘lishingiz kerak".
Tchuameni 2022 yilning yozida “Real”ga o‘tgan edi. 23 yoshli fransiyalik futbolchining klub bilan shartnomasi 2028 yilning iyunigacha tuzilgan. Transfermarkt portali futbolchining narxini 90 million yevroga baholamoqda.
2022/23 yilgi mavsumda Tchuameni “Real” safida 32 ta o‘yinda maydonga tushdi va 3 ta golli uzatmani amalga oshirdi.
