"Арсенал" ёзда "Вест Хэм" ярим ҳимоячиси Деклан Райсни сотиб олишига ишонмоқда.
Evening Standard хабарига кўра, клуб жамоанинг ҳозирги муваффақияти ва келаси мавсумда Чемпионлар лигаси саралаши 24 ёшли футболчини қўлга киритишда ёрдам беришига умид қилмоқда.
Хабар қилинишича, "Арсенал" "Вест Хэм" ярим ҳимоячисини ярим ҳимояда ёки "8"лик позициясида ўйнай олиши мумкинлиги билан ўзига жалб қилмоқда. Райснинг характери ҳам жамоа қадриятларига мос келади.
"Вест Хэм" футболчининг трансферидан иложи борича кўпроқ пул ишлашга ҳаракат қилади ва асосий эътиборни Энцо Фернандес, Жуд Беллингем ва Мойсес Кайседоларнинг трансфер нархига қаратади.
Райс 2013 йилнинг ёзидан буён “Вест Хэм” сафида тўп суради. Унинг жамоа билан амалдаги шартномаси 2024 йилнинг июнигача мўлжалланган.
Жорий мавсумда 24 ёшли англиялик барча мусобақаларда "болғачилар" сафида 34 ўйинда 2 та гол урди ва 4 та голли узатмани амалга оширди.