"Arsenal" yozda "Vest Xem" yarim himoyachisi Deklan Raysni sotib olishiga ishonmoqda.
Evening Standard xabariga ko‘ra, klub jamoaning hozirgi muvaffaqiyati va kelasi mavsumda Chempionlar ligasi saralashi 24 yoshli futbolchini qo‘lga kiritishda yordam berishiga umid qilmoqda.
Xabar qilinishicha, "Arsenal" "Vest Xem" yarim himoyachisini yarim himoyada yoki "8"lik pozisiyasida o‘ynay olishi mumkinligi bilan o‘ziga jalb qilmoqda. Raysning xarakteri ham jamoa qadriyatlariga mos keladi.
"Vest Xem" futbolchining transferidan iloji boricha ko‘proq pul ishlashga harakat qiladi va asosiy e’tiborni Enso Fernandes, Jud Bellingem va Moyses Kaysedolarning transfer narxiga qaratadi.
Rays 2013 yilning yozidan buyon “Vest Xem” safida to‘p suradi. Uning jamoa bilan amaldagi shartnomasi 2024 yilning iyunigacha mo‘ljallangan.
Joriy mavsumda 24 yoshli angliyalik barcha musobaqalarda "bolg‘achilar" safida 34 o‘yinda 2 ta gol urdi va 4 ta golli uzatmani amalga oshirdi.