Мюнхеннинг “Бавария” клуби “Вест Хэм” ярим ҳимоячиси Деклан Райсни сотиб олмоқчи эмас. Аввалроқ, англияликнинг агенти "Бавария" вакиллари билан учрашгани ҳақида миш-мишлар тарқалган эди, бироқ журналист Кристиан Фалькнинг ижтимоий тармоқларда хабар беришича, бу маълумот ҳақиқатга тўғри келмайди.
"Бавария" бош мураббийлигига Томас Тухель келиши ортидан Райснинг трансфери борасида миш-мишлар пайдо бўлди, бироқ мюнхенликлар ярим ҳимоячи учун 100 миллион евро сарфламоқчи эмас.
Келаси мавсум охирида Райснинг “Вест Хэм” билан шартномаси тугайди. Ҳозирча футболчи учун курашда “Арсенал” етакчилик қилмоқда.
