Испания терма жамоаси раҳбарияти ёш ярим ҳимоячи Гавининг март ойида бўлган йиғиндаги хатти-ҳаракатларидан норози бўлди.

Relevoга маълум бўлишича, футболчи ноқулайлик ва бош оғриғини айтиб, мухлислар билан бўладиган учрашувга келмаган. Натижада федерация вакиллари барибир Гавини тадбирга келишга мажбур қилишди.

Шунингдек, Испания терма жамоаси Гавининг машғулотлардаги оғир ўйинидан ғазаблангани қайд этилган. Тажрибалироқ ўйинчилар, жумладан Альваро Мората бунинг учун «Барселона» вакили билан гаплашишга мажбур бўлди.

Эслатиб ўтамиз, Испания терма жамоаси Евро саралаш босқичи бошида Норвегияни мағлуб этганди (3:0), аммо Шотландияга мағлуб бўлганди (0:2).