Ispaniya terma jamoasi rahbariyati yosh yarim himoyachi Gavining mart oyida bo‘lgan yig‘indagi xatti-harakatlaridan norozi bo‘ldi.
Relevoga ma’lum bo‘lishicha, futbolchi noqulaylik va bosh og‘rig‘ini aytib, muxlislar bilan bo‘ladigan uchrashuvga kelmagan. Natijada federasiya vakillari baribir Gavini tadbirga kelishga majbur qilishdi.
Shuningdek, Ispaniya terma jamoasi Gavining mashg‘ulotlardagi og‘ir o‘yinidan g‘azablangani qayd etilgan. Tajribaliroq o‘yinchilar, jumladan Alvaro Morata buning uchun «Barselona» vakili bilan gaplashishga majbur bo‘ldi.
Eslatib o‘tamiz, Ispaniya terma jamoasi Yevro saralash bosqichi boshida Norvegiyani mag‘lub etgandi (3:0), ammo Shotlandiyaga mag‘lub bo‘lgandi (0:2).
