Кеча «Локомотив» футболчилар «Дўстлик» стадионида йиғилиб 20 тур доирасида бўлиб ўтадиган «Локомотив» ва «Металлург» бахсига тайёргарликни бошладилар.

Биринчи кунги машғулотлар 1 соат давом этди ва унда асосан тикланиш машғулотлари ва икки гурухга бўлинган ҳолда 10 дақиқадан иборат ўйин ўтказилди.

Бугун эрта тонгда жамоа тренажёр залида машғулотлар олиб бордилар. Ўйинга қадар икки кун икки мартадан тайёргарлик олиб борилади.

Клуб расмий сайтида ёзилишича, таркибга бир қатор футболчилар қайтган. «Андижон» билан ўйинни бетоб бўлиб қолишганлиги боис Садриддин Абдуллаев, Максим Казанков ва Николай Гурьянов ўтказиб юборишган эди. Улар тўлиқ соғайиб жамоадошлари билан тайёргарликни давом эттирмоқдалар.

Эслатиб ўтамиз, 20 турнинг «Локомотив» –  «Металлург» учрашуви 21 сентябр куни «Локомотив» стадионида бўлиб ўтади.