"Ливерпуль"нинг ўнг қанот ҳимоячиси Трент Александер-Арнольд ҳужумчи Луис Диаснинг сафга қайтиши ҳақида гапирди.
26 ёшли колумбиялик футболчи тиззасидан олган оғир жароҳати туфайли октябрь ойи бошидан бери майдонга тушмаяпти.
"Луис Диас - ажойиб футболчи ва ажойиб инсон. Мавсум у учун оғир бўлди, лекин энди у сафга қайтди ва биз унинг табассумини яна кўришимиз мумкин. Бу ажойиб янгилик. Унга хос иштиёқ ва муносабат ҳар бир футболчида топилмайди. Уни майдонга қайтганини кўрганимдан жуда хурсандман”, - деди инглиз футболчиси “Ливерпуль” расмий сайтига берган интервьюсида.
1 апрель куни “қизиллар” АПЛ доирасида “Манчестер Сити” билан меҳмонда баҳс олиб боради.
