"Манчестер Юнайтед" клуби раҳбарияти ҳимоячи Гарри Магуайрнинг ўйинидан норози.
ESPN нашри хабарига кўра, "қизил иблислар" мураббийлар штаби футболчининг суст ўйинидан хавотирда. Шу сабабли "қизил иблислар" футболчини шу ёзда трансферга қўйиши мумкин.
30 ёшли футболчининг "Манчестер Юнайтед" билан шартномаси 2025 йилнинг июнигача амал қилади. Магуайрнинг трансфер нархи 25 миллион еврога баҳоланмоқда.
Ҳимоячи жорий мавсум Англия Премьер-лигасида 11 та ўйинда майдонга тушиб, 3 та сариқ карточка олди.
"Манчестер Юнайтед" 26 турдан кейин 50 очко билан АПЛ турнир жадвалида учинчи ўринда бормоқда.
