"Манчестер Юнайтед" ярим ҳимоячиси Скотт Мактоминай тез орада клубини ўзгартириши мумкин. Журналист Фабрицио Романонинг фикрича, бош мураббий Эрик тен Хаг мавсум охиригача шотландияликнинг тақдирини ҳал қилиши керак.
Мактоминай бу мавсумда ҳимоячи ва ярим ҳимоячи позисиясида ўйнайдиган Каземиро пайдо бўлгани учун камдан-кам майдонга туша бошлади.
Халқаро танаффусда Мактоминай Шотландия терма жамоаси сафида иккита ўйинда майдонга тушиб, тўртта гол урди. Скотт Испанияга қарши ўйинда дубл қайд этди.