"Барселона" бош мураббийи Хави яна бир бор Лионель Мессининг жамоага қайтиши мумкинлиги ҳақида саволга жавоб берди.
Аввалроқ, каталонияликлар вице-президенти Рафа Юсте клубни 2021 йилда тарк этган Месси билан алоқалар борлигини тасдиқлаганди.
“Ҳозир бу ҳақда гапиришнинг вақти эмас. Биз нима бўлаётганига диққатимизни қаратишимиз ва мумкин бўлган имзолар ҳақида ўйламаслигимиз керак. Агар Месси қайтган бўлса, биринчи бўлиб мен хурсанд бўлардим, лекин ҳозир бунинг вақти эмас”, деди Хави журналистларга.
Лионель Мессининг "ПСЖ" билан амалдаги шартномаси шу йилнинг 30 июнида якунига етади.
“Барселона” Испания чемпионатининг навбатдаги учрашувини 1 апрель, шанба куни ўтказади. Хави шогирдлари “Эльче” меҳмони бўлади.
