Ярим ҳимоячи Поль Погба жароҳати сабаб мавсумнинг кўп қисмини ўтказиб юбормоқда.
«Ювентус»га қайтганидан сўнг, француз икки учрашувда майдонга тушди ва атиги 35 дақиқа вақт ўтказди. «Кекса сеньора» бош мураббийи Массимилиано Аллегри 30 ёшли французнинг аҳволи ҳақидаги саволга жавоб берди.
«Ҳозирда Погба қачон майдонга тушишини айта олмайман. Барча ўз ўрнида ишламоқда, лекин ҳозир буни айтиш қийин.
Кўрамиз, унинг тиззаси машғулотларда қандай ҳолатда бўлади», - деди Аллегри журналистларга.
«Ювентус» Италия чемпионатининг навбатдаги учрашувини 1 апрель, шанба куни ўтказади. Массимилиано Аллегри шогирдлари «Верона»ни қабул қилади.
