Yarim himoyachi Pol Pogba jarohati sabab mavsumning ko‘p qismini o‘tkazib yubormoqda.
«Yuventus»ga qaytganidan so‘ng, fransuz ikki uchrashuvda maydonga tushdi va atigi 35 daqiqa vaqt o‘tkazdi. «Keksa senyora» bosh murabbiyi Massimiliano Allegri 30 yoshli fransuzning ahvoli haqidagi savolga javob berdi.
«Hozirda Pogba qachon maydonga tushishini ayta olmayman. Barcha o‘z o‘rnida ishlamoqda, lekin hozir buni aytish qiyin.
Ko‘ramiz, uning tizzasi mashg‘ulotlarda qanday holatda bo‘ladi», - dedi Allegri jurnalistlarga.
«Yuventus» Italiya chempionatining navbatdagi uchrashuvini 1 aprel, shanba kuni o‘tkazadi. Massimiliano Allegri shogirdlari «Verona»ni qabul qiladi.
