"Милан"нинг собиқ футболчиси Алешандре Пато Чемпионлар лигасида Стефано Пиоли жамоасини нималар кутаётгани ҳақида гапирди.
“Россонерилар” чорак финал босқичига йўл олди ва унда Италиянинг бошқа жамоаси – “Наполи”га қарши баҳс олиб боради. Учрашувлар 12 ва 18 апрель кунлари бўлиб ўтади.
"Ҳозирги "Милан" ишончли кўринмоқда, жамоа Чемпионлар лигаси учун борини бериши мумкин. Ўйлайманки, чорак финалда "Милан" "Наполи"ни мағлуб этади. Эҳтимол, сафарда қийин бўлар, аммо "Сан-Сиро"да ажойиб натижага эришиш учун барча имкониятлар мавжуд. "Милан" финалга чиқишни мақсад қилган бўлиши мумкин", - дея бразилияликнинг сўзларидан иқтибос келтиради Football Italia.
