"Манчестер Сити" бош мураббийи Роберто Манчини бугун бўлиб ўтадиган чемпионлар лигаси гуруҳ босқичида "Реал"га қарши ўйин олдидан фикрлари билан ўртоқлашди.

"Бизнинг "Реал"никидай тарихимиз йўқлигини тушунаман, аммо "Сити" ҳам бир нечта совринлар ютган ва кейинги ўн йил ичида яна кўпроқ совринлар ютишга қодир."Манчестер Сити" ҳам тез орада "Реал" савиясидаги топ-клубга айланади, аммо мадридликларнинг тарихи бор, фарқимиз шундан иборат.

"Реал" эришган ютуқларга эришиш учун бизга юз йил керак, аммо биз ғалаба қозонишни хоҳлаймиз ва ҳар бир мусобақада курашамиз", - дея Манчинидан иқтибос келтиради "шаҳарликлар" расмий сайти.