«Барселона»нинг етакчи футболчилари жароҳат олганига қарамай, «Эльче» устидан қозонилган ғалаба (4:0) Хавини хурсанд қилди.

Усмон Дембеле, Педри, Андреас Кристенсен, Френки де Йонг Ла Лиганинг 27-турида майдонга туша олишмади. Рафинья дисквалификация туфайли ўйинни ўтказиб юборди.

«Мен хурсандман. Бугунги ўйинга таркибни йиғиш учун тез-тез ўйнамайдиганлардан фойдаланишга мажбур бўлдик ва улар жуда юқори даражадаги футбол кўрсатишди. Бу ҳақиқий жамоа.

Чемпионлик учун муҳим қадам ташладик ва жуда яхши ғалабага эришдик. Мен жамоадан жуда мамнунман», – деди Хави.