"Ливерпуль" ярим ҳимоячиси Наби Кейта фаолиятини Италияда давом эттириши мумкин, дея хабар берди Sky Sports.
Мерсисайдликларнинг гвинеялик футболчиси хизматларига "Наполи" ва "Интер" қизиқиш билдирмоқда. Кейта сўнгги вақтларда мунтазам жароҳатлар ва ёмон спорт формаси сабаб "Ливерпуль" таркибидаги ўрнини йўқотди.
Ярим ҳимоячининг амалдаги шартномаси жорий мавсум охирида якунига етади. У 2018 йилда "Лейпциг"дан "қизиллар" сафига кўчиб ўтганди.