Москванинг «Спартак» клуби бош мураббийи Унаи Эмери Европа чемпионлар Лигасида «Барселона»га қарши ўйин олдидан ўз фикрларини билдириб ўтди.

«Барселона»га қарши ўйнаган ҳар қандай жамоа омад қулиб боқармикан, деган умид билан майдонга чиқади. Баъзи жамоалар биргина имкониятдан фойдаланиб қолишади ва бу ишни уддалашади. Демак, «Барселона»ни ҳам енгиш мумкин, гарчи буни ҳар бир жамоа уддалай олмаса ҳам».

«Яхши тушуниб турибман, ҳозир Месси юқори формада, Вилья ҳам жароҳатидан тузалиб сафга қайтяпти. Педро ҳам энг юқори спорт формасида. Аммо биз ўз кучимизга ишонган ҳолда «Ноу Камп»га ташриф буюрдик. Агар алоҳида футболчиларга таяниб гапирадиган бўлсак, бизнинг асосий вазифамиз Мессига чиройли футбол кўрсатиш учун имконият бермаслик бўлади», дейди Эмери «Marca» нашрига берган интервьюси чоғида.