АПЛда катта олтилик жанги чемпионлик ва кучли тўртликдаги курашда муҳим аҳамият касб этади. Бундан 2022-23 йилги мавсум ҳам мустасно эмас. Доимгидек, АПЛ бизга кучли жамоаларнинг ўзгаро баҳсларида ажойиб ва томошбоп баҳсларни тақдим этди.
Бу мавсумда "Арсенал" алоҳида ҳикоя ярата олди. Негаки, бу жамоа ўзгарганини айнан турнирнинг кучли жамоалари билан курашда намойиш этди. Масалан, лондонликлар мавсум давомида уй баҳсларининг фақат биттасида мағлуб бўлди. Сафарда "МЮ" ва "Эвертон"га ютқазди холос. Аммо "Ливерпуль" ва "Челси" мағлуб этилди. "Тоттенхэм" икки бор таслим қилинди. "Қизил иблислар"дан эса уйда қасос олинди. Шунга қарамай, Микель Артета шогирдлари ҳали "Манчестер Сити" билан сафарда чемпионлик ўйинида майдонга тушиши керак. Бу баҳс май ойида бош совринни ким кўтаришини белгилаб беради. Умуман олганда, кучли олтиликка қарши қайд этилаётган натижалар ижобий ўзгаришлардан дарак беради. Негаки, ўтган мавсумда "Арсенал" 10 та муҳим ўйиннинг 7 тасида мағлуб бўлганди.
Бошқа томонда "Манчестер Сити" ажойиб юришини давом эттиряпти. Гвардиола жамоаси "Ливерпуль" ва "МЮ"га сафарда имкониятни бой берганди. Аммо "Арсенал", "Челси", "Тоттенхэм", "Ливерпуль" ва "МЮ"ни мағлуб этди. Юрген Клопп жамоаси устидан қозонилган йирик ғалаба "шаҳарликлар"нинг ҳали чемпионлик пойгасида эканини англатади.
Яна бир ўзгарган жамоа – бу "Манчестер Юнайтед". Эрик тен Хаг ўз футболчилар билан ажойиб ишларни амалга ошира олди. Масалан, уйда "Манчестер Сити", "Арсенал" ва "Тоттенхэм" мағлуб этилди. Аммо сафарда "шаҳарликлар" ва тўпчиларга имконият бой берилиб, "Ливерпул"дан шармандали, 7-0 ҳисобидаги мағлубият қабул қилиб олинди.
Афсуски, ҳозир кучли олтилик жамоаларининг ҳаммаси ҳам турнир жадвали юқорисида эмас. Масалан, рўйхатнинг иккинчи қисмига тушиб кетган "Челси" ва ўзига келолмаётган "Ливерпуль" ўрнига "Брайтон", "Брентфорд" ва "Ньюкасл" каби ӯртамиёна жамоалар жойлашиб олган. Шу ўринда Эдди Хау бошчилигидаги "қарғалар"ни алоҳида таъкидлаш керак. Агарда бу жамоа ўсишда давом этса, яқин йилларда кучли олтилик, еттиликка айланади. Негаки, жорий йилнинг ўзидан "Ньюкасл" ЕЧЛ йўлланмаси учун кураша бошлади.
Қуйида кучли олтилик жамоаларининг ўзаро натижалари ва очколарига қараб тузилган жадвал билан танишасиз.
1. "Манчестер Сити" – 15 очко
Ўйинлар: 8 та
Ғалабалар: 5 та
Дуранглар: 0 та
Мағлубиятлар: 3 та
Голлар: 19 та
Ўтказилган голлар: 11 та
Голлар нисбати: +8
2. "Арсенал" – 15 очко
Ўйинлар: 7 та
Ғалабалар: 5 та
Дуранг: 0 та
Мағлубиятлар: 2 та
Голлар: 14 та
Ўтказилган голлар: 11 та
Голлар нисбати: +3
3. "МЮ" – 13 очко
Ўйинлар: 7 та
Ғалабалар: 4 та
Дуранглар: 1 та
Мағлубиятлар: 3 та
Голлар: 15 та
Ўтказилган голлар: 20 та
Голлар нисбати: -5
4. "Ливерпуль" – 10 очко
Ўйинлар: 7 та
Ғалабалар: 3 та
Дуранглар: 1 та
Мағлубиятлар: 3 та
Голлар: 14 та
Ўтказилган голлар: 10 та
Голлар нисбати: +4
5. "Тоттенхэм" – 7 очко
Ўйинлар: 8 та
Ғалабалар: 2 та
Дуранглар: 1 та
Мағлубиятлар: 5 та
Голлар: 9 та
Ўтказилган голлар: 15 та
Голлар нисбати: -6
6. "Челси" – 3 очко
Ўйинлар: 6 та
Ғалабалар: 0 та
Дуранглар: 3 та
Мағлубиятлар: 3 та
Голлар: 3 та
Ўтказилган голлар: 7 та
Голлар нисбати: -4
ИСМАТОВ Ж.
