“Бугун биз муваффақиятсизликка учрадик, албатта. Биз мухлисларнинг дардини ҳис қиляпмиз. Биз сешанба куни яна уриниб кўришимиз керак", деди Грем Поттер “Челси”нинг “Астон Вилла”га қарши ўйинидан кейин (2:0).

“Уйда мағлуб бўлганингизда, одамларнинг ҳис-туйғулари шундай бўладики, уларнинг жуда ҳафсаласи пир бўлади ва ғазабланади. Менга қандай танқид қилинмасин, мен буни қабул қилишим керак”, - дея қўшимча қилди британиялик.

Эслатиб ўтамиз, "Челси" мухлислари жамоанинг Премер-лигадаги ҳолатидан жуда норози. Мураббий бир неча бор истеъфога чақирилган. Шунга қарамай, "Челси" Чемпионлар лигасининг чорак финалига қадар етиб борди ва бу клуб атрофидаги муҳитга ижобий таъсир кўрсатди.