«Манчестер Юнайтед» бу мавсумда Каземиросиз Премьер-лиганинг 8 ўйинидан 4 тасида мағлуб бўлди.

АПЛнинг 29-турида «Манчестер Юнайтед» «Ньюкасл»га имкониятни бой берди (0:2). Каземиро 27-турда «Саутгемптон»га қарши ўйинда мавсумдаги 2-қизил карточкасини олгани учун 4 та ўйинга дисквалификация қилинган эди.

Шу тариқа, «Манчестер Юнайтед» бразилиялик футболчи иштирок этмаган лиганинг 8 ўйинидан 4 тасида мағлуб бўлди.

Каземиро «Манчестер Юнайтед» таркибида лигадаги 19 ўйиндан атиги 3 тасида мағлуб бўлган - «Манчестер Сити» (3:6), «Астон Вилла» (1:3) ва «Ливерпуль» (0:7).