«Челси» раҳбарияти бош мураббий Грэм Поттернинг ишдан бўшатилиши эълон қилинганидан кейин ўз фикрларини билдириб ўтди.
Яқинда клуб ўтган йилнинг сентябрида лавозимга киришган мутахассис билан хайрлашишга қарор қилгани маълум бўлди. Охирги ўйинда лондонликлар ўз майдонида «Астон Вилла»дан мағлуб бўлишди (0:2).
«Биз Грэмга ўз иши учун чин дилдан миннатдорчилик билдирмоқчимиз. Биз уни мураббий сифатида ҳам, шахс сифатида ҳам қаттиқ ҳурмат қиламиз.
Афсуски, натижалар бизнинг умидларимизни оқламади, лекин Грэм ўзини ҳар доим профессионал тарзда тутди ва ҳалол эди.
Олдинда Премьер-лиганинг ўнта учрашуви ва Чемпионлар Лигасининг чорак финали турибди. Биз мавсумни энг яхши тарзда якунлаш учун қўлимиздан келганини қиламиз», - деди Боэли.
