Мураббий Юлиан Нагельсманн мавсум якунига қадар мураббийликка қайтиши мумкин.
24 март куни германиялик мутахассис "Бавария"дан ҳайдалган эди. Хабар қилинишича, Нагельсманн ёзгача таътилга чиқишни режалаштирганди, чунки у кейинги мавсум бошидан янги лавозимини эгаллашни афзал кўрарди, аммо журналист Флориан Плеттенбергнинг хабар беришича, мутахассис ўз режаларини "Челси" учун қайта кўриб чиқишга тайёр. Чунки у "Лейпциг"да ишлаган лондонликлар техник директори Кристофер Вивел билан дўстона муносабатда.
Эслатиб ўтамиз, "Челси" бугун бош мураббийсиз қолди - клуб Грэм Поттерни истеъфога чиқарди.
