"Челси" Грэм Поттер истеъфога чиқарилганидан кейин бош мураббийсиз қолди.

Клуб якшанба куни англиялик мутахассис билан хайрлашганини эълон қилди. Вақтинчалик бош мураббий этиб аввал ёрдамчи бўлиб ишлаган Бруно Сальтор тайинланди. Журналист Жейкоб Штайнбергнинг фикрича, "Челси" раҳбарияти Поттернинг кетиши билан жамоанинг Чемпионлар лигаси чорак финалида "Реал" билан қарама-қаршиликда муваффақият қозониш имконияти кўпроқ бўлади, деб ҳисобламоқда.

"Реал"нинг "Челси"га қарши ўйинлари 12 ва 18 апрель кунлари бўлиб ўтади. Биринчи учрашув "Сантьяго Бернабеу"да, иккинчи учрашув "Стэмфорд Бриж"да бўлиб ўтади.