"Chelsi" Grem Potter iste’foga chiqarilganidan keyin bosh murabbiysiz qoldi.

Klub yakshanba kuni angliyalik mutaxassis bilan xayrlashganini e’lon qildi. Vaqtinchalik bosh murabbiy etib avval yordamchi bo‘lib ishlagan Bruno Saltor tayinlandi. Jurnalist Jeykob Shtaynbergning fikricha, "Chelsi" rahbariyati Potterning ketishi bilan jamoaning Chempionlar ligasi chorak finalida "Real" bilan qarama-qarshilikda muvaffaqiyat qozonish imkoniyati ko‘proq bo‘ladi, deb hisoblamoqda.

"Real"ning "Chelsi"ga qarshi o‘yinlari 12 va 18 aprel kunlari bo‘lib o‘tadi. Birinchi uchrashuv "Santyago Bernabeu"da, ikkinchi uchrashuv "Stemford Brij"da bo‘lib o‘tadi.