"Милан" бош мураббийи Стефано Пиоли ҳужумчи Рафаэль Леаунинг ўйини ҳақида ўз фикрлари билан ўртоқлашди.
23 ёшли португалиялик футболчи "Наполи" билан баҳсда дубль қайд этди ва ўйин миланликларнинг йирик ғалабаси (4:0) билан якунланди. Ҳужумчи январь ойидан бери “россонерилар” сафида гол ура олмаётган эди.
"Леау ҳеч қачон ўз устида ишлашни тўхтатмади. Ўйлайманки, баъзида ёш футболчиларда ривожланиш тўхтаб қолгандек кўриниши мумкин, аммо ўша пайтда улар эндигина янги ғояларни ўрганишаётган ва юқори босқичга чиқишга тайёрланаётган бўлади. Леау - ҳақиқий чемпион. У ақлли йигит ва келажаги буюк”, - деди Пиоли ўйиндан кейин DAZN нашрига берган интервьюсида.