"ПСЖ" бош мураббийи Кристоф Галтье Франция чемпионатининг 29-тури доирасидаги "Лион"дан учралган мағлубият (0:1) ҳақида фикр билдирди.
"2023 йилдаги 8-мағлубият "ПСЖ" учун жуда кўп. Ўйинни яхши бошлаганимиз учун натижадан ғазабландик. Бизда характер, ғурур етишмади. Мухлисларимиз бизни сўнгги дақиқаларгача олдинга чорлашди, лекин биз бунга ижобий муносабат билдира олмдик. Ҳали қандайдир совринга эриша оламиз, лекин биз диққатни жамлашимиз, қандай вазиятда эканлигимизни тушунишимиз керак. Айрим футболчиларнинг қайтишини ҳам кутишимиз керак. Албатта, умидсизлик жуда катта. Чемпионатда ғалаба қозониш қийин, агар бу осон иш деб ўйласангиз, адашасиз. Бу унвонни қўлга киритиш учун биз ўз ишимизга бўлган ёндашувни ўзгартиришимиз, майдонда характер кўрсатишимиз керак" - деди Галтье RMC Sport.
