Испания Ла Лигаси президенти Хавер Тебас "Барселона"нинг икки собиқ президенти Хосеп Мария Бартомеу ва Сандро Роселуга қарши сохта далиллар келтиргани учун "Барселона"нинг кескин танқидига муносабат билдирди.
Аввалроқ Diario Sport La Vanguardia нашрига таяниб, Тебас прокурорга "Барселона"нинг икки собиқ президентини айбловчи хат йўллагани ҳақида хабар берганди. Бироқ, маълум бўлишича, бу ҳужжат бошқа ҳолатга - Испания Қироллик футбол федерацияси томонидан маблағларни нотўғри ишлатишга тегишли экан. Тебас ҳужжатда кўрсатилган номларни "Барселона"нинг собиқ президентлари ва Хосе Мария Энрикес Негрейрага тўловлар билан боғлади. “Барселона” бунга жавобан Тебасдан омма олдида кечирим сўрашини ҳамда истеъфосини талаб қилди.
"Барселона" мактубни прокуратурага топширишдан олдин, Ла Лиганинг юридик маслаҳатчиси 21 феврал куни Делегатлар комиссиясига хат мазмуни ва унинг ҳужжатлари ҳақида маълумот берди. Мен вазиятни аниқ баҳоладим, сиз-чи?", деган Тебас ижтимоий тармоқдаги саҳифасида.