Люк Шоу “Манчестер Юнайтед”нинг мағлубиятини мотивация йўқлиги билан боғлади
АПЛнинг 29-турида “Манчестер Юнайтед” “Ньюкасл”га 0:2 ҳисобида имкониятни бой бериб, турнир жадвалида 4-ўринга тушиб кетди.
"Менимча, улар ўзларининг фазилатлари туфайли ғалаба қозонишмади, улар бу ўйинда иштиёқ, истак, чанқоқлик, ўйинга муносабат туфайли ғалаба қозонишди. Уларда биздан кўра кўпроқ мотивация бор эди ва бунга йўл қўймаслик керак эди.
Ҳар сафар мағлубиятга учраганимизда худди шу нарсани айтаётгандек ҳис қиламан. Бу қабул қилиниши мумкин эмас. “Манчестер Юнайтед”да буни қила олмайсиз” - деди “Манчестер Юнайтед” ҳимоячиси.