"Реал"нинг чап қанот ҳимоячиси Ферлан Менди жароҳати сабаб кутилганидан бироз кўпроқ вақтни ўтказиб юборади. Журналист Марио Кортехананинг хабар беришича, футболчи 6 ҳафтани лазаретда ўтказади.
Эслатиб ўтамиз, аввалроқ Менди жароҳати сабаб бир ойни ўтказиб юбориши кутилганди. Бироқ, зарар жиддийроқ бўлиб чиқди. Франциялик футболчи Чемпионлар лигасида “Челси”га қарши чорак финал ўйинидан ташқари ярим финални ҳам ўтказиб юбориши мумкин.
Олдинроқ "Реал" келаси ёзда Мендини сотиш учун очиқлиги ҳақида хабарлар тарқалган эди. Айтишларича, клуб раҳбарияти футболчининг ўйинидан ва унинг доимий жароҳатидан норози.
