"Реал Мадрид" ҳужумчиси Эден Азарнинг "Вальядолид"га қарши ўйиндаги иштироки бельгиялик учун алоҳида воқеа бўлди. Захирадан майдонга тушган футболчи 2022 йил 11 сентябрдан бери биринчи марта Ла Лигада ўйин дақиқаларини олди. Сўнгги бор Азар “Мальорка”га қарши ўйинда асосий таркибда майдонга тушганди.
Ўшандан буён Азар Ла Лиганинг бирорта баҳсида иштирок этмаган.
Дарвоқе, кеча Азар Ла Лиганинг жорий мавсумидаги илк самарали ҳаракатини қайд этиб, Лукас Васкесга голли узатмани амалга оширди.