Мёнхенгладбахнинг "Боруссия" клуби ҳимоячиси Рами Бенсебайни Дортмунднинг "Боруссия" клубига ўтади, дея хабар беради журналист Флориан Плеттенберг.
Манбага кўра, 27 ёшли жазоирлик футболчи бир неча кун аввал дортмундликлар билан дастлабки шартномани имзолаган. У ёзда Мёнхенгладбахнинг "Боруссия"си билан шартномаси тугагач, янги жамоасига ўтади.
Ҳимоячи жорий мавсумда клуб сафида барча турнирлар доирасида 24 та ўйинда майдонга тушиб, 6 та гол урди. У 2019 йилнинг августидан бери "Боруссия"да ўйнамоқда. Аввалроқ Бенсебайни "Ренн" ва "Монпелье" клубларида тўп сурган.
