“Лион” ҳимоячиси Николас Тальяфико Франция чемпионатининг 29-туридан ўрин олган “ПСЖ”га (1:0) қарши ўйинда мухлисларнинг ўзини тутиши ҳақида гапирди.
Париж жамоаси мухлислари ўйин давомида жамоа ҳужумчиси Лионель Мессига ҳуштакбозилик қилишди.
“Афсуски, бизда ҳам шундай бўлади. Одамлар натижани исташлари ва буни Лео ёки Мбаппе каби футболчилардан олишлари нормал ҳолат. Улар бир футболчи қутқаради деб ўйлашади, лекин футбол жамоавий ўйин. Мессининг келажаги? Биз кўрамиз. Айни пайтда у "ПСЖ" билан ғалаба қозониш учун қўлидан келганини қилмоқчи эканлиги аниқ, деди Тальяфико ESPN нашрига.
"ПСЖ" Франция чемпионати турнир жадвалида 29 турдан кейин 66 очко билан пешқадамлик қилмоқда.
