«ПСЖ» ҳужумчиси Килиан Мбаппе содиқлиги учун клуб раҳбариятидан катта мукофот олади. Бу ҳақда Lequipe журналистлари хабар бермоқда.
Манбага маълум бўлишича, парижликлар ҳар мавсумда 24 ёшли тўпурарга 60 миллион евро бонус тўлаб келади.
Аввалроқ ОАВ Мбаппе «ПСЖ»ни тарк этиши ва фаолиятини «Реал Мадрид»да давом эттириши мумкинлиги ҳақида хабар берган эди.
Ҳужумчи, агар мавсум охирида ҳамкорликни узайтириш вариантини фаоллаштирмаса, парижликлар сафини эркин сифатида тарк этиш ҳуқуқига эга.
Ҳужумчи Лига 1нинг жорий мавсумида 25 ўйинда 19 та гол урди ва 3 та голли узатмани амалга оширди.
