Мюнхеннинг “Бавария” клуби бош мураббийи Томас Тухель ҳимоячи Бенжамин Павар билан ишлаш ҳақидаги таассуротлари билан ўртоқлашди. Эслатиб ўтамиз, француз ёзда немис клубини тарк этиши мумкин. Футболчининг жамоа билан шартномаси тугашига бир йилдан сал кўпроқ вақт қолди.
"Павар жуда кам баҳоланган футболчи, у янги шароитларга энг юқори даражада мослаша олади. У зўр интизом билан ҳимояланади. Бенжамин - энг яхши футболчи”, — деди Тухель матбуот анжуманида.
Павар жорий мавсум Бундеслигада 3 та гол урди ва битта голли узатмани амалга оширди. Аввалроқ футболчининг "Барселона"га ўтиши ҳақида хабарлар тарқалган эди.
