"ПСЖ" раҳбарияти аргентиналик 35 ёшли ҳужумчи Лионель Месси билан қандай шароитда шартномани узайтирмоқчи экани маълум бўлди.
Lequipe нашри хабарига кўра, парижликлар футболчига маоши 75 фоизга қисқартирилган шартнома таклиф қилишган. Ҳужумчини бундай молиявий шароит мутлақо қониқтирмади ва у ёзда жамоани ўзгартириш ниятида.
Лионелнинг фаолиятини давом эттиришнинг энг яхши варианти - "Барселона" ҳисобланади.
Месси "ПСЖ"да 2021 йилнинг ёзидан бери ўйнаб келмоқда, унинг амалдаги шартномаси бир неча ойдан кейин тугайди.
Жорий мавсумда аргентиналик футболчи парижликлар сафида 33 та ўйин ўтказиб, 18 та гол урди ва 17 та голли узатмани амалга оширди.
