Ҳимоячи Люк Шоу “Манчестер Юнайтед” билан янги узоқ муддатли шартнома имзолади. Томонлар ўртасидаги шартнома 2027 йилгача мўлжалланган, бу ҳақда "манкунианликлар" клуби расмий сайти хабар берди.
"Тўққиз йил олдин мен бу клубга ўтгандим ва шартномамни узайтирганимдан хурсандман. Бу ерда мен футболчи сифатида ўсганман. Биз бу мавсумда муваффақиятга эришдик, бироқ биз кўпроқ нарсани хоҳлаймиз. Мен буларнинг бир қисми бўлиш учун бор кучимни бермоқчиман”, - деди футболчи "қизил иблислар" матбуот хизматига.
Жорий мавсумда Шоу Англия Премьер-лигасида "Манчестер Юнайтед" сафида 23 та ўйинда майдонга тушди. 27 ёшли ҳимоячи битта гол урди, самарали узатмани амалга оширди ва бешта сариқ карточка олди.
