Молиявий қоидабузарликлар туфайли "Рединг" клубидан 6 очко олиб ташланди.

"Рединг" молиявий қоидабузарликлар учун клубдан 6 очко олиб ташланганини тасдиқлади.

Чемпионшипда иштирок этадиган жамоа 3 йил ичида 39 миллион фунт стерлингдан кўпроқ зарар кўрмаслиги керак, аммо бу даврда "Рединг"нинг молиявий зарари кўпроқ бўлди. Шу сабабли, 2021 йил ноябрь ойида "Рединг"дан 6 очко олиб ташланган. Шу билан бирга, клуб кейинги жазолардан қочиш учун бажарилиши керак бўлган бизнес-режа бўйича лига билан келишиб олганди. Бироқ, клуб буни бажара олмади, шунинг учун энди клуб яна 6 очко йўқотди.

Олиб ташланган очколардан кейин "Рединг" Чемпионшипнинг қуйи лигага тушиб кетиш зонасидаги жамоалардан бир очко олдинда. Мавсум якунига 7 та ўйин қолди.