"ПСЖ" ҳужумчиси Лионель Месси "Барселона"га қайтиш учун молиявий тарафдан қурбонлик қилишга тайёр.
Аргентиналик футболчи "ПСЖ" лойиҳасининг спорт истиқболига ишончи комил эмас, шу боис ҳозирча у клуб билан шартномасини узайтиришдан йироқ. Амалдаги келишув июнь ойи охирида тугайдиган бўлса, "Барселона" кичик бюджетга эга бўлиб, 35 ёшли футболчини қайтаришни истамоқда. Footmercato хабарига кўра, Мессининг Каталония клубидаги маоши йилига 10 миллион евродан ошмайди - бу "ПСЖ" билан амалдаги шартномадагидан тўрт баравар кам. Бироқ юлдуз футболчи бундай шароитларга тайёр.
Эслатиб ўтамиз, йилига 400 миллион евродан кўпроқ маош таклиф қилаётган Саудиянинг "Ал-Ҳилол" клуби ҳам Лионель Мессини ўз сафига қўшиб олмоқчи.
