"PSJ" hujumchisi Lionel Messi "Barselona"ga qaytish uchun moliyaviy tarafdan qurbonlik qilishga tayyor.
Argentinalik futbolchi "PSJ" loyihasining sport istiqboliga ishonchi komil emas, shu bois hozircha u klub bilan shartnomasini uzaytirishdan yiroq. Amaldagi kelishuv iyun oyi oxirida tugaydigan bo‘lsa, "Barselona" kichik byudjetga ega bo‘lib, 35 yoshli futbolchini qaytarishni istamoqda. Footmercato xabariga ko‘ra, Messining Kataloniya klubidagi maoshi yiliga 10 million yevrodan oshmaydi - bu "PSJ" bilan amaldagi shartnomadagidan to‘rt baravar kam. Biroq yulduz futbolchi bunday sharoitlarga tayyor.
Eslatib o‘tamiz, yiliga 400 million yevrodan ko‘proq maosh taklif qilayotgan Saudiyaning "Al-Hilol" klubi ham Lionel Messini o‘z safiga qo‘shib olmoqchi.