"Бавария" Германия кубогининг чорак финалида "Фрайбург"га мағлуб бўлиб, Томас Мюллернинг рекордига соя солди. У бугун Германия кубогидаги 64-учрашувини ўтказди ва бу турнир тарихидаги рекорд натижа бўлди. Бунгача рекорд 63 учрашувда майдонга тушган дарвозабон Сепп Маерга тегишли эди.
Қизиғи шундаки, учинчи ўринни Мюллернинг фамилиядоши – Германия кубогида 62 та ўйинда майдонга тушган 70-йилларнинг биринчи ярмининг афсонавий ҳужумчиси Герд Мюллер эгаллаб турибди. Тўртинчи ўрин 61та ўйин ўтказган Франц Беккенбауерга насиб этган бўлса, бешинчи ўринни 57та ўйинда майдонга тушган Оливер Кан эгаллаб турибди.
