Франция терма жамоаси ва "ПСЖ"нинг собиқ футболчиси Жером Ротен аргентиналик ҳужумчи Лионель Мессининг Париж клубини тарк этиши мумкинлиги ҳақидаги фикрлари билан ўртоқлашди.
"Мессининг кетиши барчага фойда келтиради. Хайр ва омад, Лео. "Барселона" уни қайтаришни хоҳлаётганини ўқидим. У бу шаҳарни севиб қолган ва деярли ҳар дам олиш кунлари у ерга учиб боради. Ўйлайманки, у "Барселона"да энг яхши жиҳатларини кўрсатади", - деди Ротен.
Месси каталонияликлар академиясининг битирувчиси. Ҳужумчи 2005 йилдан 2021 йилгача "Барселона"нинг асосий жамоасида ўйнаган. 35 ёшли аргентиналик сўнгги икки мавсумни “ПСЖ”да ўтказди.
