«Барселона»нинг собиқ ярим ҳимоячиси Яя Туре бир кун келиб Испания клубларидан бирида мураббий бўлиб ишлашни хоҳлаётганини тан олди.
«Мен ишлашни истардим, лекин ҳозир бироз эрта. Мен бунга интиламан. Умид қиламанки, бизда ҳам худди Хавидай ишлай оладиган жамоа бўлади», - деди Туре.
Эслатиб ўтамиз, Туре 2007 йилдан 2010 йилгача «Барселона» сафида тўп тепган, бу жамоа билан икки марта Испания чемпионатида ғолиб чиққан ва бир марта Чемпионлар лигаси ғолибига айланган.
Ивуарликнинг мураббий сифатидаги сўнгги иш жойи «Ахмат» бўлиб қолмоқда.
