"Барселона" ҳимоячиси Рональд Араухо "Реал" ҳужумчиси Винисиус Жуниор билан бўлган қарама-қаршилик ҳақида гапирди.
Бразилиялик вингер гол ва голли узатмани амалга оширган бўлса, “қаймоқранглилар” Испания кубогининг жавоб ярим финалида “Камп Ноу”да “кўк-анорранглилар”ни 4:0 ҳисобида мағлуб этишди.
“Винисиус ажойиб футболчи, лекин у ўйин ҳақида кўпроқ ўйлаши керак. Мен ҳар доим майдонда рақибларимни ҳурмат қилишга ҳаракат қиламан, лекин бугун ақлимни йўқотдим", - дея 24 ёшли уругвайлик футболчининг ўйиндан кейинги интервьюсидан иқтибос келтиради испан ОАВлари.
Мадриднинг “Реал” клуби Испания кубоги финалига чиқди ва у ерда “Осасуна” билан тўқнаш келади.
