Маркус Рэшфорднинг аниқ зарбаси "Манчестер Юнайтед"га Англия Премьер-лигаси ўйинида "Брентфорд" устидан ғалаба келтирди (1:0).
"Қизил иблислар" ҳужумчиси учрашувнинг 27-дақиқасида гол уриб, жорий лига мавсумида ўнинчи марта жамоасига ғалаба келтирувчи голни киритди. OPTA маълумотларига кўра, "Манчестер Юнайтед"нинг бу кўрсаткичга эришган сўнгги футболчиси Уэйн Руни бўлган - у 2009/10 йилги мавсумдаги ўнта ўйинда "МЮ"га ғалаба келтирган гол муаллифи бўлганди.
Маркус Рэшфорд 2022/23 йилги Премьер-лига тўпурарлар пойгасида 15 та гол билан тўртинчи ўринни эгаллаб турибди. 25 ёшли англияликдан юқорида фақат Эрлинг Холанд, Харри Кейн ва Айван Тони бор.
