«Барселона» футболчиси Серхи Роберто «Реал»га қарши ўйинда (0:4) ўтказиб юборилган биринчи голдан сўнг жамоаси тамоман чўкиб қолганини айтди.
Каталонияликлар «Сантьяго Бернабеу»да эришилган минимал устунлик билан Испания кубогининг ярим финал жавоб баҳсига йўл олишганди.
Бугун биринчи бўлимнинг сўнгги дақиқаларида Винисиус Жуниор умумий ҳисобни тенглаштирди ва танаффусдан сўнг барча саволлар Карим Бенземанинг хет-трики билан бартараф этилди.
«Биринчи бўлим охирида Винисиуснинг голи бизни «синдирди». Биз бунга лойиқ эмасдик, чунки биз кўпроқ голли вазиятлар яратдик.
«Реал Мадрид»нинг иккинчи голидан кейин биз ниҳоят таслим бўлдик. Жуда ёқимсиз мағлубият, биз Ла Лигада ҳам, Испания кубогида ҳам ғалаба қозонишни хоҳладик», - деди Серхи Роберто.
