«ПСЖ» марказий ҳимоячиси Эл Шадаи Битшиабу клуб билан шартномасини узайтириши мумкин.
17 ёшли футболчининг амалдаги шартномаси 2024 йилда якунига етади ва Европа футболининг бошқа гигантлари вазиятни кузатиб боришмоқда.
L’Equipe хабарига кўра, «ПСЖ» Битшиабунинг маҳоратини қадрлайди. Клуб ёш иқтидор эгаси билан хайрлашмоқчи эмас - футболчига янги шартнома аллақачон таклиф қилинган.
Жорий мавсумда Эл Шадаи Битшиабу Парижнинг асосий жамоаси сафида барча мусобақаларда 11 та ўйинда майдонга тушди.
Transfermarkt Франция ёшлар терма жамоасининг марказий ҳимоячиси нархини 7 миллион еврога баҳоламоқда.